Está a piques de se internar en Denantes.

Trabucouse ao introducir o enderezo na barra de direccións.

Está a piques de se internar en Denantes.

Trabucouse ao introducir o enderezo na barra de direccións.

Unha serie literaria

Consta de capítulos autoconclusivos ambientados na vila de Denantes. Estes, á súa vez, compóñense de relatos con entidade propia.

Lectura por etiquetas

Pode ler directamente os relatos nos que participe un personaxe do seu gusto ou os que transcorran nun lugar ou tempo determinados.

Na Internet ou onde queira

Amais da lectura dende o propio sitio web, pode descargar os capítulos en múltiples formatos: PDF, EPUB e MOBI.

Extractos do primeiro capítulo

«Nesa gran rocha hai unha inscrición: “Está a piques de se internar en Denantes. Trabucouse na encrucillada.”»

«Coidado, achégase alguén! Disimule, cónteme algo sobre galiñas ou algún deses temas dos que falan por aquí.»

«Atravésaa sen dificultade na pálpebra, cósema á cara xusto embaixo da cella. Podo escoitar con completo detalle cada puntada: como perfora a pel mentres adhire pequenas partículas de ferruxe no ínfimo burato, como corre o fío mentres acada unha tenue cor sanguinolenta.»

Extractos do segundo capítulo

«O que repousa agora na miña palma é a cabeza, cortada violentamente polo pescozo. Zumega un espeso e negro sangue que me escorrega polos dedos. Os ollos, que sobresaen da caveira, e a mandíbula, desencaixada, deformada, amosan un ceno de infinita agonía.»

«Para a familia será un retrato fiel abondo; para min, unha coitelada na ánima, unha traizón. Que feliz podería ter sido eu pintando a violencia da morte. Os ósos crebados. A carne esgazada. O ceno do nada. Esa sería a auténtica oda á existencia, non esta farsa emética.»

«—Xusto, a ti como che ghustaría que fose o teu funeral?
—Axiña.»

Xa dispoñíbel o capítulo 2

Léao